రియాద్: తైఫ్ గవర్నరేట్‌ను అల్-బహా ప్రాంతాలతో కలిపే రహదారి వద్ద ఘోరమైన రోడ్డు ప్రమాదం చోటుచేసుకుంది. ఈ విషాదకరమైన కారు ప్రమాదంలో 6 మంది తోబుట్టువుల మరణించడం విషాదాన్ని నింపింది. వారి తల్లిదండ్రులు, ముగ్గురు ఇతర తోబుట్టువుల పరిస్థితి విషమంగా ఉన్నందున వారిని ఇంటెన్సివ్ కేర్‌కు తరలించారు. కాగా, ఈ ప్రమాదంలో ఢీకొన్న రెండవ కారును నడుపుతున్న అరవై ఏళ్ల డ్రైవర్ కూడా మరణించాడు. అయితే ఒక 4 ఏళ్ల బాలిక ప్రాణాలతో క్షేమంగా బయటపడటం విశేషం. తన సోదరుడు అహ్మద్ కుటుంబం మదీనా నుండి అల్-బహాకు తిరిగి వస్తున్న సమయంలో ఈ ఘోర ప్రమాదం సంభవించిందని మహమ్మద్ సలేం అల్-గమ్ది తెలిపారు. ప్రమాదంలో మరణించిన 6 మంది తోబుట్టువులు రీమా, సేలం, మహమ్మద్, సౌద్, యాహ్యా మరియు హమ్దాన్ అని, వారిలో పెద్దవాడికి 17 సంవత్సరాలు, చిన్నవాడికి 2 సంవత్సరాల వయస్సు ఉందని అతను చెప్పాడు. తైఫ్‌లోని కింగ్ ఫైసల్ స్పెషలిస్ట్ హాస్పిటల్, కింగ్ అబ్దుల్ అజీజ్ స్పెషలిస్ట్ హాస్పిటల్, ప్రిన్స్ సుల్తాన్ హాస్పిటల్‌లో తల్లిదండ్రులు.. ఇద్దరు కుమార్తెలు రెనాద్, మునీరా, ఒక కుమారుడు సుల్తాన్‌ను ఇంటెన్సివ్ కేర్‌కు తరలించినట్లు ఆయన పేర్కొన్నారు.