యూఏఈ: దుబాయ్ రాజకుటుంబంలో తాజాగా చేరిన చిన్నారి మహమ్మద్ ఫోటోలు సోషల్ మీడియాలో వైరల్ అవుతున్నాయి. యూఏఈ రాయల్ షేక్ మొహమ్మద్ బిడ్డ మొహమ్మద్‌తో ఉన్న అనేక ఫోటోలను పంచుకున్నారు. ఇద్దరూ తెల్లటి దుస్తులు ధరించారు. చిన్నారి మొహమ్మద్ ముఖం చిత్రాలలో స్పష్టంగా కనిపించడం ఇదే మొదటిసారి. వైట్ హార్ట్ ఎమోజీ అనే క్యాప్షన్‌తో, ఇన్‌స్టాగ్రామ్‌లో యూఏఈ వైస్ ప్రెసిడెంట్ , ప్రధాన మంత్రి, దుబాయ్ పాలకుడు షేక్ మొహమ్మద్ బిన్ రషీద్ అల్ మక్తూమ్ తన మనవడిని ఊయలలో పడుకోబెడుతున్నట్లు ఉన్న ఫోటోను షేర్ చేశారు.   

ఫిబ్రవరి 25న జన్మించిన మొహమ్మద్ బిన్ హమ్దాన్ బిన్ మొహమ్మద్ అల్ మక్తౌమ్ తొలి ఫోటోను అతని తండ్రి షేక్ హమ్దాన్ పంచుకున్నారు. తన తండ్రి షేక్ మొహమ్మద్‌తో ఉన్నఅనేక చిత్రాలను షేర్ చేశారు. దుబాయ్ రాజకుటుంబానికి చెందిన మూడు తరాలు ఒకేచోట ఉన్న ఫోటోలను షేర్ చేశారు.