జెడ్డా: జెడ్డాలోని అల్-సవారిఖ్ మార్కెట్‌లో భారీ అగ్ని ప్రమాదం సంభవించింది. సమాచారము అందుకున్న సౌదీ సివిల్ డిఫెన్స్ అథారిటీ బృందాలు.. సంఘటన స్థలానికి చేరుకొని సహాయ చర్యలను చేపట్టింది. మంటలను అదుపులోకి తెచ్చి శీతలీకరణ ప్రక్రియను ప్రారంభించినట్లు సౌదీ సివిల్ డిఫెన్స్ ట్వీట్ చేసింది.

శుక్రవారం తెల్లవారుజామున జెడ్డా దక్షిణ ప్రాంతంలోని మార్కెట్‌లో ఈ అగ్నిప్రమాదం సంభవించింది. అయితే ఈ ప్రమాదంలో ఎవరికి ఎటువంటి గాయాలు కాకపోవడంతో అందరూ ఊపిరి పీల్చుకున్నారు.నగరంలోని షాపింగ్ మాల్స్‌తో పోలిస్తే.. చాలా తక్కువ ధరలకు వస్తువులను అందించడానికి ఈ మార్కెట్ ప్రసిద్ధి చెందింది.