బోయపాటి శీను, రామ్ పోతినేని కాంబినేషన్‌లో ఓ సినిమా తెరకెక్కుతోన్న సంగతి తెలిసిందే. టైటిల్ ఇంకా ఫిక్స్ కాని ఈ సినిమాలో శ్రీలీల, రామ్‌తో జత కడుతోంది. 

ఈ క్రేజీ కాంబినేషన్ మూవీ నుంచి తాజాగా ఓ టీజర్ రిలీజ్ చేశారు. రామ్ పోతినేని పుట్టినరోజు సందర్భంగా చిత్ర యూనిట్ ఇచ్చిన ఈ ట్రీట్ మాస్ ఆడియన్స్‌లో థండర్ సృష్టిస్తోంది.

‘బోయపాటి రాపో థండర్’ పేరుతో వచ్చిన ఈ టీజర్ గ్లింప్స్‌లో రామ్, ఓ దున్నపోతుతో ఎంట్రీ ఇచ్చాడు. ఈ పవర్ ఫుల్ ఎంట్రీకి విజిల్స్ పడుతున్నాయ్. అలాగే, ఆయన చెప్పిన మాస్ డైలాగులు సైతం ఫ్యాన్స్‌ని ఉర్రూతలూగిస్తున్నాయ్. 

రామ్ మాస్ మసాలా గెటప్, ఈ ఫస్ట్ టీజర్ చూస్తుంటే సినిమాపై అంచనాలు అమాంతం పెరిగిపోయాయ్. అలాగే, థమన్ బ్యాక్ గ్రౌండ్ స్కోర్ కూడా దద్దరిల్లిపోయేలా కనిపిస్తోంది. 
చూడాలి మరి, ‘ఉస్తాద్ రామ్’ ఈ సినిమాతో ఇస్మార్ట్ శంకర్ టైప్ దమ్మున్న హిట్ ఇస్తాడేమో.!