ఖతార్: అంతర్జాతీయ మ్యూజియం దినోత్సవాన్ని పురస్కరించుకుని, ఖతార్‌లోని అన్ని మ్యూజియంలు ఈ రోజు(మే 18) నుండి శనివారం(మే 20) వరకు మూడు రోజుల పాటు ప్రజలకు ఉచితంగా ప్రవేశాన్ని కల్పిస్తున్నట్లు ఖతార్ మ్యూజియమ్స్ (QM) ప్రకటించింది. అంతర్జాతీయ మ్యూజియం దినోత్సవం ఈ సంవత్సరం ‘‘మ్యూజియంలు, సుస్థిరత, శ్రేయస్సు, సమాజాల శ్రేయస్సు, స్థిరమైన అభివృద్ధి, వాతావరణ చర్యలు, సామాజిక పోరాటం, మానసిక ఆరోగ్యాన్ని పెంపొందించడంలో మ్యూజియంలు పోషించే కీలక పాత్ర’’ అనే థీమ్ లతో జరుపుకుంటుంది. ఈ సందర్భంగా విద్యా కార్యక్రమాలు, ప్రదర్శనలు, కమ్యూనిటీ ఔట్రీచ్ లను ఏర్పాటు చేయనుందని ఖతార్ మ్యూజియమ్స్ సీఈఓ అహ్మద్ మూసా అల్ నమ్లా చెప్పారు. ఈ రోజు మన భాగస్వామ్య సాంస్కృతిక వారసత్వాన్ని రాబోయే తరాలకు ప్రోత్సహించడం, సంరక్షించడం మన బాధ్యతను గుర్తు చేస్తుందన్నారు.