బాలీవుడ్ డైరెక్టర్ ఓం రౌత్ దర్శకత్వంలో ప్రబాస్ నటిస్తున్న చిత్రం ‘ఆది పురుష్’. ఈ సినిమా గురించి మొదటి నుంచీ నెగిటివిటీ ఓ రేంజ్‌లో నడుస్తున్న సంగతి తెలిసిందే.

రీసెంట్‌గా రిలీజ్ చేసిన టీజర్ కా..స్త ఊరటనిచ్చినప్పటికీ సినిమాపై పెద్దగా బజ్ క్రియేట్ కాలేదు. ఇక, వెరీ లేటెస్ట్‌గా సినిమా నుంచి ‘జై శ్రీరామ్..’ అంటూ సాగే పాటను రిలీజ్ చేశారు.

ఈ సాంగ్ కూడా జస్ట్ సో సోగా రెస్పాన్స్ అందుకుంటోంది. కాగా, ఈ పాటతో సినిమాని ఇంకాస్త జనంలోకి దూకుడుగా తీసుకెళ్లేందుకు స్వయంగా ప్రబాస్ ఫ్యాన్సే రంగంలోకి దిగారు.

బైక్ ర్యాలీతో ‘జై శ్రీరామ్..’ అనే నినాదాలతో ప్రబాస్ ‘ఆది పురుష్’ని ప్రమోట్ చేసే బాధ్యతను నెత్తిన వేసుకున్నారు. రెండు తెలుగు రాష్ర్టాల్లోని పెద్ద పెద్ద సిటీల్లో ఈ శ్లోగన్స్‌తో రెండు, మూడు రోజుల పాటు ర్యాలీగా సినిమాని ప్రమోట్ చేయనున్నారట. చూడాలి మరి, అభిమానుల ఆరాటం ఈ సారైనా ప్రబాస్‌కి సరైన హిట్ తెచ్చిపెడుతుందో లేదో.!