‘పుష్ప’ సినిమా బాలీవుడ్‌లో అత్యధిక ఆదరణ సంపాదించుకున్న సంగతి తెలిసిందే. తొలి పార్ట్‌కి వచ్చిన ఆదరణతో రెండో పార్ట్‌ని భారీ స్థాయిలో తీసేందుకు ప్రయత్నాలు చేస్తున్నారు సుకుమార్ అండ్ టీమ్.

ఇప్పటికే శరవేగంగా షూటింగ్ జరుపుకుంటోంది ఈ సినిమా. కాగా, ఈ సారి నార్త్ జనాల్ని గట్టిగా ఫోకస్ పెట్టిన సంగతి తెలిసిందే. అందులో భాగంగానే, బాలీవుడ్ జనాన్ని కూడా ఈ సినిమాలో భాగం చేయాలనుకుంటున్నారనీ తెలుస్తోంది.

ఓ ప్రముఖ బాలీవుడ్ నటుడ్ని ‘పుష్ప2’ కోసం తీసుకోవాలనుకుంటున్నారట. జస్ట్ కొన్ని సెకన్ల పాటు మాత్రమే వుండే పాత్రట అది. ఇంపార్టెంట్ గెస్ట్‌గా ఆ నటుడికి ఈ సినిమాలో భాగం చేయాలనుకుంటున్నారట.

ఆ లిస్టులో ప్రముఖంగా రణ్ వీర్ కపూర్ పేరు వినిపిస్తోంది. ఈ మధ్య బాలీవుడ్ నటులు టాలీవుడ్ సినిమాల్లో గెస్ట్‌లుగా కనిపించేందుకు అత్యుత్సాహం చూపిస్తున్న సంగతి తెలిసిందే.

జరుగుతున్న ప్రచారం నిజమే అయితే, రణ్‌వీర్ అప్పియరెన్స్ ‘పుష్ప 2’కి ఖచ్చితంగా ప్లస్ అవుతుందనడంలో సందేహం లేదు.