తైవాన్‌ రాజధాని తైపీలో గురువారం ఉదయం భూ ప్రకంపనలు ప్రజలను వణికించాయి. రిక్టర్‌ స్కేలుపై భూకంప తీవ్రత 5.6గా నమోదైంది. తైపీకి 60 కిలోమీటర్ల దూరంలోని యిలాన్‌ ప్రాంతంలో భూకంప కేంద్రం ఉన్నట్లు అమెరికా జియోలాజికల్‌ సర్వే అధికారులు వెల్లడించారు. ప్రకంపనల తీవ్రతతో పలు భవనాలు స్వల్పంగా దెబ్బతిన్నాయి. దీంతో ప్రజలు ఆందోళనకు గురయ్యారు. కొన్ని ప్రాంతాల్లో విద్యుత్‌ సరఫరా నిలిచిపోయింది.తైవాన్‌లో గత ఫ్రిబవరిలోనూ భారీ భూకంపం సంభవించింది. తైనాన్‌ ప్రాంతంలో ఓ అపార్ట్‌మెంట్‌ కుప్పకూలి 117మంది మృతిచెందారు.