కువైట్: ఏప్రిల్ మధ్యలో అదృశ్యమైన కువైట్ పౌరుడు ముబారక్ అల్-రషీది మృతదేహం పశ్చిమ అల్-సల్మీ ప్రాంతంలో లభ్యమైనట్లు అంతర్గత మంత్రిత్వ శాఖ శుక్రవారం సాయంత్రం తెలిపింది. మొదటి ఉప ప్రధానమంత్రి, అంతర్గత వ్యవహారాల మంత్రి,  రక్షణ మంత్రి షేక్ తలాల్ అల్-ఖాలీద్ అల్-అహ్మద్ అల్-సబాహ్ సూచనల మేరకు.. జనరల్ డైరెక్టరేట్ ఆఫ్ క్రిమినల్ ఇన్వెస్టిగేషన్స్ అల్-రషీది గాలింపును చేపట్టింది. ప్రజా భద్రత, ట్రాఫిక్, సెంట్రల్ ఆపరేషన్స్, పెట్రోలింగ్ మరియు హెలికాప్టర్ల విభాగాలతో సహా వందలాది మంది భద్రతా సిబ్బంది, అలాగే వాలంటీర్లు ఈ గాలింపు ప్రచారంలో పాల్గొన్నారు. మరణించిన వ్యక్తి మృతదేహాన్ని కనుగొనే వరకు వారు నిరంతరం శ్రమించారని మంత్రిత్వ శాఖ జనరల్ డైరెక్టరేట్ ఆఫ్ సెక్యూరిటీ రిలేషన్స్ అండ్ మీడియా ఒక పత్రికా ప్రకటనలో తెలిపింది. అల్-రషీది మరణానికి దారితీసిన ఆధారాల కోసం అన్వేషణను కొనసాగిస్తామని, మృతుల కుటుంబానికి మంత్రిత్వ శాఖ తన ప్రగాఢ సానుభూతిని తెలియజేసింది.