అదో మలయాళ చిత్రం. ‘2018’ అనే టైటిల్‌తో రూపొందింది. 2018లో కేరళను భారీ వరదలు ముంచెత్తేసిన సంగతి తెలిసిందే. దేశ నలుమూలల నుంచీ కేరళకు సహాయ సహకారాలు అందించారు ఈ టైమ్‌లో. 

ఎవరికి తోచిన రీతిలో వారు వరద బాధితులను ఆదుకునేందుకు తమ వంతుగా ముందుకొచ్చారు. అదే కాన్సెప్ట్‌తో తెరకెక్కిన సినిమానే ‘2018’. అప్పటి వరదల్లో చిక్కుకున్న నాలుగు కుటుంబాల మధ్య నడిచిన కథతో ఎంతో హృద్యంగా ఈ చిత్రాన్ని తెరకెక్కించారు.

వరదల్లో చిక్కుకుని ఆఖరి గడియల్లో విలవిల్లాడుతున్న ఆయా కుటుంబాల ఎమోషన్‌ని క్యారీ చేస్తూనే ఆ గాధని మన కళ్లకు కట్టినట్లు చూపించాడు డైరెక్టర్ ఈ సినిమాలో. 

ఈ టేకింగ్‌కి అందరూ ఫిదా అయ్యారు. మలయాళంలో అత్యంత తక్కువ బడ్జెట్‌ 15 కోట్లతో తెరకెక్కిన ఈ సినిమా 150 కోట్లకు పైగా వసూళ్లు సాధించి రికార్డులు సృస్టించింది.

తాజాగా తెలుగు రాష్ట్రాల్లో రిలీజై కలెక్షన్ల సునామీ సృష్టిస్తోంది. యూనిక్ సబ్జెక్ట్ కావడంతో, ఈ సినిమాకి ప్రేక్షకులు క్యూ కడుతున్నారు. తద్వారా ఇక్కడ కూడా ‘2018’ రికార్డు వసూళ్ల దిశగా పరుగులు పెడుతోంది.