దోహా, ఖతార్: లైసెన్స్ లేని మైనర్లను వాహనాలు నడపడానికి అనుమతించకుండా తల్లిదండ్రులను అంతర్గత వ్యవహారాల మంత్రిత్వ శాఖ (MoI) హెచ్చరించింది. జువెనైల్ పోలీస్ డిపార్ట్‌మెంట్‌లోని అవేర్‌నెస్ అండ్ ఎడ్యుకేషన్ డిపార్ట్‌మెంట్ ఆఫీసర్ మితేబ్ అలీ అల్ ఖహ్తానీ ఖతార్ రేడియో ఇంటర్వ్యూలో మాట్లాడుతూ..తల్లిదండ్రులు లైసెన్స్ లేని పిల్లలను తమ వాహనం నడపడానికి అనుమతించడం "చాలా తప్పు" అని అన్నారు.  13 -14 సంవత్సరాల వయస్సు గల యువకులకు చట్టాల గురించి తెలియదని, ఇది ట్రాఫిక్ ప్రమాదాలు, ప్రజా ధనాన్ని వృధా చేయడానికి దారి తీస్తుందని అల్ ఖహ్తానీ చెప్పారు. వారి పిల్లల ట్రాఫిక్ నేరాల ఫలితంగా ఏర్పడే ఏదైనా జరిమానాలకు తల్లిదండ్రులు బాధ్యులని MoI అధికారి గుర్తు చేశారు. "మీ పిల్లల ట్రాఫిక్ ఉల్లంఘనలను చెల్లించడానికి మీరు ఆర్థికంగా బాధ్యత వహించాలి. మీరు ఇతరుల జీవితాలను కూడా ప్రమాదంలో పడేస్తారు" అని అల్ ఖహ్తానీ పేర్కొన్నారు. "ఇది తప్పు ప్రవర్తన, దీనికి చట్టం మిమ్మల్ని బాధ్యులను చేస్తుంది," అని అతను హెచ్చరించారు.