ఉల్లి చేసే మేలు తల్లి కూడా చేయదంటారు. ఉల్లి విషయంలోనే కాదండోయ్. వెల్లుల్లి విషయంలోనూ ఇది వర్తిస్తుంది. ప్రతీరోజూ ఆహారంలో వెల్లుల్లి తీసుకోవడం వల్ల తీవ్ర అనారోగ్య సమస్యలూ ముఖ్యంగా ఊబకాయం, కొలెస్ర్టాల్ సమస్యలు దూరమవుతాయని చెబుతున్నారు.

వెల్లుల్లిలో విటమిన్లు, పోషకాలే కాదండోయ్. అమైనో ఆమ్లాలు, అలిసిన్, అజోయిన్, వంటి ఆర్గానో సల్ఫర్ సమ్మేళనాలు అధికంగా వుంటాయ్. అందువల్ల తీవ్రమైన కొలెస్ట్రాల్ సమస్యలున్న వారు ప్రతీరోజూ వెల్లుల్లిని ఆహారంలో తీసుకోవాలి. వుడికించిన వెల్లుల్లి కన్నా, పచ్చి వెల్లుల్లితో ఎక్కువ ఉపయోగాలుంటాయ్.

నిమ్మరసంలో వెల్లుల్లి కలిపి తీసుకోవడం వల్ల అధిక కొలెస్ర్టాల్ సమస్యలు దూరమవుతాయ్. అలాగే, తేనెతో కలిపి తీసుకున్నా కూడా ఫలితం ఉంటుంది.

వెల్లుల్లితో చుండ్రు తదితర జుట్టు సమస్యలు కూడా దూరమవుతాయ్. వెల్లుల్లిని పచ్చిగా తీనడం కాస్త కష్టమే అయినా, ఆరోగ్యం కావాలంటే కాస్త ఇష్టం చేసుకోవాలి తప్పదు మరి.