బోయపాటి సినిమాల్లో యాక్షన్ సీన్లు అత్యంత భయంకరంగా పవర్ ఫుల్‌గా డిజైన్ చేస్తుంటాడు. ఆయన గత చిత్రాల నుంచీ తాజాగా ‘అఖండ’ సినిమా వరకూ యాక్షన్ ఘట్టాలన్నీ ప్రత్యేకమే.

ఇక, ఆయన తాజాగా రామ్ పోతినేనితో సినిమా తెరకెక్కిస్తున్న సంగతి తెలిసిందే. ఈ సినిమా కోసం కూడా ఏమాత్రం రాజీ పడడం లేదట. ముఖ్యంగా ఈ సినిమాలో క్లైమాక్స్ సీన్‌లో వచ్చే యాక్షన్ ఘట్టం గురించి సోషల్ మీడియాలో పెద్ద ఎత్తున చర్చ జరుగుతోంది.

ఈ సినిమాలో చాలానే యాక్షన్ సీన్లుండబోతున్నాయట. వాటిలో క్లైమాక్స్‌లో వచ్చే యాక్షన్ నభూతో న భవిష్యతి అనేలా వుండబోతోందట.

ఈ యాక్షన్ సీక్వెన్స్ కోసం ఏకంగా 24 కోట్లు ఖర్చ పెట్టబోతున్నారనీ తెలుస్తోంది. అలాగే, 24 రోజుల పాటు ఏకధాటిగా ఈ సన్నివేశం చిత్రీకరించబోతున్నారట. దాదాపు 100 మందితో ఈ యాక్షన్ ఘట్టం డిజైన్ చేశాడట బోయపాటి.

అంటే, ‘మగధీర’లోని యాక్షన్ సీన్ గుర్తొస్తోంది కదా.. అంతకు మించి అనేలాగే ఈ యాక్షన్ ఎపిసోడ్ వుండబోతోందనీ లేటెస్టుగా రామ్ పోతినేని చెప్పడం సినిమాపై అంచనాలు మరింత పెంచేసింది.