యూఏఈ: దుబాయ్ ప్రపంచంలోనే అతిపెద్ద ఎయిర్‌పోర్ట్‌కు నిలయంగా మారుతుందని అర్బన్ మాస్టర్ డెవలపర్ దుబాయ్ సౌత్ ట్వీట్ చేసింది. 145 చదరపు కిలోమీటర్ల విస్తీర్ణంతో దుబాయ్ సౌత్ దుబాయ్  అతిపెద్ద సింగిల్ అర్బన్ మాస్టర్ డెవలప్‌మెంట్ రూపొందుతుంది.  ఇది ఏవియేషన్ మరియు లాజిస్టిక్స్ ఎకోసిస్టమ్‌ అతిపెద్ద విమానాశ్రయాన్ని కలిగి ఉందని పేర్కొంది. దుబాయ్ సౌత్‌లో ఉన్న అల్ మక్తూమ్ ఇంటర్నేషనల్ ఎయిర్‌పోర్ట్‌ను 2050 నాటికి ప్రపంచంలోనే అతిపెద్ద ఎయిర్‌పోర్ట్‌గా మార్చడమే ఈ ప్రాజెక్టు  లక్ష్యం. దీని ద్వారా ఏటా 255 మిలియన్ల మంది ప్రయాణికులు ప్రయాణించవచ్చు.

ఈ సంవత్సరం ప్రారంభంలో దుబాయ్ వరల్డ్ సెంట్రల్ (DWC) అని కూడా పిలువబడే అల్ మక్తూమ్ ఇంటర్నేషనల్ ఎయిర్‌పోర్ట్ 120 బిలియన్ Dh120 బిలియన్ల ($33 బిలియన్లు) విస్తరణ కోసం ప్రణాళికను దశలవారీగా అమలు చేయనున్నారు. దుబాయ్ రెండవ అంతర్జాతీయ విమానాశ్రయం కార్గో కార్యకలాపాల కోసం జూన్ 27, 2010న ప్రారంభించబడింది. ఆ  తర్వాత 5-7 మిలియన్ల మంది ప్రయాణికుల టెర్మినల్ సామర్థ్యంతో అక్టోబర్ 2013లో ప్రయాణీకుల విమానాలు ప్రారంభించారు. మొత్తం ప్రాజెక్టు పూర్తయిన తర్వాత, DWC సంవత్సరానికి 160 మిలియన్ల కంటే ఎక్కువ మంది ప్రయాణీకుల సామర్థ్యంతో ప్రపంచంలోనే అతిపెద్ద గ్లోబల్ గేట్‌వే మారే అవకాశం ఉంది. అలాగే ఇది  12 మిలియన్ టన్నుల సరుకు రవాణాకు మల్టీ-మోడల్ లాజిస్టిక్స్ హబ్‌గా కూడా గుర్తింపు తెచుకోనుంది.

 ఎయిర్‌పోర్ట్స్ కౌన్సిల్ ఇంటర్నేషనల్ (ACI) ప్రకారం.. దుబాయ్ ఇంటర్నేషనల్ (DXB) 2022లో వరుసగా తొమ్మిదవ సంవత్సరం అంతర్జాతీయ ప్రయాణీకుల రద్దీలో అత్యంత రద్దీగా ఉండే విమానాశ్రయంగా అగ్రస్థానాన్ని పొందింది.