యూఏఈ : ఈద్ అల్ అదా హాలిడే సందర్భంగా ఈవెంట్ రిటర్న్‌గా రాఫెల్స్, షాపింగ్ డీల్స్  వచ్చేసాయి. రాఫెల్‌లు, రిటైల్ ప్రమోషన్‌లు, ఈవెంట్ల స్పెషల్ దుబాయ్ సమ్మర్ సర్‌ప్రైజెస్ (DSS) తిరిగి వచ్చింది. ఈవెంట్ 26వ ఎడిషన్ ఇస్లామిక్ పండుగ ఈద్ అల్ అధా గుర్తుగా  ప్రారంభమవుతుంది. నివాసితులు ఆరు రోజుల విరామం పొందే అవకాశం ఉంది. జూన్ 29 నుండి సెప్టెంబర్ 3 వరకు DSS జరుగుతుంది. ఈ ఏడాది ఈవెంట్‌కు సంబంధించిన పూర్తి క్యాలెండర్ జూన్ 20న ప్రకటించనున్నట్టు దుబాయ్ ఫెస్టివల్స్ అండ్ రిటైల్ ఎస్టాబ్లిష్‌మెంట్ (DFRE) ఓ ప్రకటనలో తెలిపింది.ఈసారి ప్రమోషన్‌లలో వివిధ రకాల హోటళ్లలో స్పెషల్ ఆఫర్లు, నగరంలోని మాల్స్ మరియు గమ్యస్థానాలలో ఎర్లీ బర్డ్ ఆఫర్‌లు అందుబాటులో ఉంటాయి. DSS ప్రారంభ కచేరీలో హుస్సేన్ అల్ జాస్మీ, కడిమ్ అల్ సాహిర్ జూలై 1న కోకాకోలా ఎరీనాలో పాల్గొంటారు. సౌదీ అరేబియా లెజెండ్ మహ్మద్ అబ్డో కూడా మరుసటి రోజు సాయంత్రం జరిగే కోకాకోలా ఎరీనాలో ప్రదర్శన ఇవ్వనున్నారు.