కువైట్: కువైట్‌లో ప్రతి గంటకు ఎనిమిది ట్రాఫిక్ ప్రమాదాలు జరుగుతున్నాయి. డ్రైవింగ్‌లో నిర్లక్ష్యంగా వ్యవహరించడం, మొబైల్‌ ఫోన్‌ను ఉపయోగించడం దీనికి ప్రధాన కారణమని ఇటీవలి ట్రాఫిక్ గణాంకాలు స్పష్టం చేస్తున్నాయి. మంత్రిత్వ శాఖ వర్గాల ప్రకారం.. 2023 ఐదు నెలల్లో సుమారు 29,000 ట్రాఫిక్ ప్రమాదాలు నమోదయ్యాయి. ఈ ప్రమాదాల్లో 135 మంది పౌరులు, నివాసితుల ప్రాణాలు కోల్పోయారు. ప్రతి నెల సగటున 27 మంది బాధితులు ప్రమాదాల్లో మరణిస్తున్నారు. దేశంలో ప్రతి నెలా 5,800 ట్రాఫిక్ ప్రమాదాలు జరుగుతున్నట్లు గణాంకాలు వెల్లడిస్తున్నాయి.