బహ్రెయిన్: మొదటిసారిగా బహ్రెయిన్ సహజ ముత్యాల  అంతర్జాతీయ వేలం నిర్వహించనుంది. ఈ చారిత్రాత్మక వేలం మనామాలోని బహ్రెయిన్ వరల్డ్ ట్రేడ్ సెంటర్‌లో ఉన్న బహ్రెయిన్ ఇన్స్టిట్యూట్ ఫర్ పెరల్స్ అండ్ జెమ్‌స్టోన్స్ ప్రధాన కార్యాలయంలో జరుగుతుంది.  జూన్ 7న అమెరికాలో రాపాపోర్ట్ గ్రూప్ ప్రారంభించిన వేలం ఇప్పటికే యునైటెడ్ స్టేట్స్ లోపల, వెలుపల వివిధ నగరాల్లో నిర్వహించారు. ముత్యాల సేకరణ, గ్రేడింగ్, సర్టిఫై చేయడంతోపాటు సహజమైన ముత్యాలను కోనుగోలు చేయవచ్చు. దానత్ ఇన్‌స్టిట్యూట్ సీఈఓ నూరా జంషీర్ మాట్లాడుతూ.. సహజ ముత్యాల మార్కెట్ వృద్ధిని పెంపొందించేందుకు రాపాపోర్ట్ ఇంటర్నేషనల్ గ్రూప్‌తో కలిసి పనిచేయాలని తాము ఆసక్తిగా ఎదురుచూస్తున్నామని తెలిపారు.