మెగాస్టార్‌ చిరంజీవి కథానాయకుడిగా తెరకెక్కుతున్న తాజా చిత్రం 'కత్తిలాంటోడు'. చిరు 150వ చిత్రమైన దీనికి వి.వి.వినాయక్‌ దర్శకత్వం వహిస్తున్న సంగతి తెలిసిందే. దేవిశ్రీ ప్రసాద్‌ సంగీతం సమకూరుస్తున్నారు. ఈ సందర్భంగా చిరంజీవిని కలిసిన దేవిశ్రీ ఆయనతో సరదాగా దిగిన ఒక సెల్ఫీని అభిమానులతో పంచుకున్నారు. 'బాస్‌.. మెగాస్టార్‌ 150వ చిత్రం తొలిరోజు చర్చల్లో... వెల్‌కమ్‌ బ్యాక్‌ సర్‌, వి లవ్యూ' అని ట్వీట్‌ చేశారు. ఈ చిత్రాన్ని కొణిదెల ప్రొడక్షన్‌ కంపెనీ పతాకంపై రామ్‌చరణ్‌ నిర్మిస్తున్నారు.