గురూజీ త్రివిక్రమ్ శ్రీనివాస్ నుంచి అభయం పొందితే అంతే. అది నెరవేరినట్లే. మీనాక్షి చౌదరి విషయంలో ఇప్పుడదే జరుగుతోంది. మీనాక్షి తొలి చిత్రం ‘ఇచ్చట వాహనాలు నిలపరాదు’ సినిమాతోనే గురూజీని ఇంప్రెస్ చేసేసిందట మీనాక్షి చౌదరి.
ఆ సినిమా ప్రీ రిలీజ్ ఈవెంట్‌కి త్రివిక్రమ్ గెస్ట్‌గా విచ్చేసిన సంగతి గుర్తుండే వుంటుంది. అప్పుడే మీనాక్షిపై ఓ కన్నేసి వుంచారట గురూజీ. అప్పటి నుంచీ ఇప్పటి వరకూ కాంబినేషన్ సెట్ కాలేదు. కానీ, ఇక ఇప్పుడు ఆ టైమొచ్చేసింది ‘గుంటూరు కారం’ సినిమాతో
పూజా హెగ్ధే ఈ ప్రాజెక్ట్ నుంచి తప్పుకోగానే, సంయుక్త పేరు మొదట ప్రచారంలోకి వచ్చింది కానీ, ముందే గురూజీ ఫిక్స్ అయిపోయారట ఆ ప్లేస్‌లో మీనాక్షిని రిజర్వ్ చేయాలని.
అదే జరిగిందంటున్నారు. ఇంకా అధికారిక ప్రకటన అయితే రాలేదు కానీ, మీనాక్షి సైలెంట్‌గా షూటింగ్‌లో పాల్గొంటోందనీ అంటున్నారు. ఈ సస్పెన్స్ ఇలా ఇంకొన్నాళ్లు కొనసాగితే, సినిమా హైప్‌కి అది కాస్త యూజ్ అవుతుందని అనుకుంటున్నారు కాబోలు.