పెద్ద తెరపై డిజాస్టర్ టాక్ తెచ్చుకుంది అఖిల్ ‘ఏజెంట్’. పోనీ ఓటీటీలోనైనా వస్తుందేమో అనుకుంటే, ఇదిగో వస్తోంది.. అదిగో వస్తోంది.. అంటున్నారు కానీ, డేట్ ఫిక్స్ చేసుకోవడం లేదు.
జూన్‌లోనే ‘ఏజెంట్’ ఓటీటీ రిలీజ్ అన్నారు. ఓటీటీ రిలీజ్ కోసం మార్పులు చేర్పులు కూడా జరిగాయన్నారు. ఆల్రెడీ ఓ డేట్ ఫిక్స్ చేసి కూడా ఎస్కేప్ అయ్యారు. 
ఏజెంట్ విషయంలో అసలేం జరుగుతోంది.? సోనీ లివ్ ‘ఏజెంట్’ హక్కుల్ని దక్కించుకున్న సంగతి తెలిసిందే. ఈ ఛానెల్ ఒత్తిడి వల్లనే మార్పులు చేశారట. అయినా కానీ, ఇంతవరకూ ఏజెంట్ సినిమా ఊసే లేదు ఓటీటీలో.
ఇక, ఈ సంగతి అటుంచితే, అఖిల్ తదుపరి చిత్రంపై కొన్ని ఊహాగానాలు వినిపిస్తున్నాయ్. విక్రమ్ కుమార్ దర్శకత్వంలో అఖిల్ ఓ సినిమా చయబోతున్నాడన్న తాజా గాసిప్ అత్యంత విశ్వసనీయ వర్గాల ద్వారా వినిపిస్తోంది. 
అఖిల్‌ని తొలిసారిగా తెరపై చూపించిన ఘనత విక్రమ్ కుమార్‌దే. ‘మనం’ సినిమా ద్వారా అఖిల్‌ని విక్రమ్ కుమార్ ఇంట్రడ్యూస్ చేశారు. ఈ సినిమాలో అఖిల్ ఎంట్రీకీ, ఎలివేషన్‌కి మంచి రెస్సాన్స్ వచ్చిన సంగతి తెలిసిందే.