దోహా: 21వ అంతర్జాతీయ కాన్ఫరెన్స్ & ఎగ్జిబిషన్ ఆన్ లిక్విఫైడ్ నేచురల్ గ్యాస్ "LNG 2026"ను ఖతార్ నిర్వహించనుంది. ఇది LNG పరిశ్రమలో నిరంతర వృద్ధి, అభివృద్ధిని తెలిపే ఒక ప్రముఖ ప్రపంచ ఈవెంట్ గా గుర్తింపు ఉంది. కెనడాలోని వాంకోవర్‌లో జూలై 10 - 13 మధ్య జరిగిన ఎల్‌ఎన్‌జి 2023 ముగింపు సందర్భంగా జరిగిన ప్రత్యేక హ్యాండ్‌ఓవర్ కార్యక్రమంలో ఖతార్ ఎనర్జీ పబ్లిక్ రిలేషన్స్ అండ్ కమ్యూనికేషన్ మేనేజర్ లోల్వా ఖలీల్ సలాత్ పాల్గొని మాట్లాడారు. వాంకోవర్ నగరానికి, ఎల్‌ఎన్‌జి 2023 ఈవెంట్ నిర్వాహకులకు కృతజ్ఞతలు తెలిపారు.  ఎల్‌ఎన్‌జి కాన్ఫరెన్స్, ఎగ్జిబిషన్ ప్రతి మూడు సంవత్సరాలకు ఒకసారి నిర్వహిస్తారు. ఈ ఈవెంట్‌ను ఇంటర్నేషనల్ గ్యాస్ యూనియన్, గ్యాస్ టెక్నాలజీ ఇన్‌స్టిట్యూట్, ఇంటర్నేషనల్ ఇన్‌స్టిట్యూట్ ఆఫ్ రిఫ్రిజిరేషన్ నిర్వహిస్తాయి.