బహ్రెయిన్‌లో ప్రముఖ టెలికామ్‌ ఆపరేటర్‌ అయిన వివా బహ్రెయిన్‌, వివా చైల్డ్‌ మలక్‌ ఇ ట్రాకర్‌ వాచ్‌ని ప్రవేశపెట్టింది. ఈ మొబైల్‌ వాచ్‌ ద్వారా, తమ పిల్లలు ఎక్కడున్నారు, ఏం చేస్తున్నారు వంటి అంశాల గురించి ఎప్పటికప్పుడు 'ట్రాక్‌' చేసుకునే వీలుంటుందని వివా బహ్రెయిన్‌ ప్రతినిథులు తెలిపారు. ఐఓఎస్‌, యాండ్రాయిడ్‌ మొబైల్‌ ఆపరేటింగ్‌ సిస్టమ్స్‌ ద్వారా ఉచితంగా డౌన్‌లోడ్‌ చేసుకునే మొబైల్‌ అప్లికేషన్‌తో ఈ వాచ్‌ పనిచేస్తుంది. వాయిస్‌ మెసేజ్‌లను పంపడం, వాయిస్‌ కాల్స్‌ చేసుకోవడం, సేఫ్‌ ఏరియా లిమిట్స్‌ని డిఫైన్‌ చేసుకోవడం వంటివి ఈ అప్లికేషన్‌తో వీలవుతాయి. 8 నంబర్స్‌ నుంచి కాల్స్‌ని రిసీవ్‌ చేసుకునేలా, ముగ్గురు స్టోర్‌ చేసుకున్న నెంబర్లకు కాల్‌ చేసుకునేలా ఈ మొబైల్‌ వాచ్‌ని రూపొందించారు. అవాంఛనీయ కాల్స్‌ని బ్లాక్‌ చేసే వీలు కూడా ఇందులో ఉంది. వివా మలక్‌ ఇ వాచ్‌, వివా రిటైల్‌ ఔట్‌లెట్స్‌ వద్ద 5 బహ్రెయినీ దినార్స్‌ నెలసరి ఖర్చుతో లభ్యమవుతాయి. వివా వెబ్‌సైట్‌లో పూర్తి వివరాలు పొందవచ్చు. గూగుల్‌ ప్లే స్టోర్‌, యాపిల్‌ స్టోర్స్‌ ద్వారా మొబైల్‌ అప్లికేషన్‌ డౌన్‌లోడ్‌ చేసుకోవచ్చు.