దోహా: పని ప్రదేశంలో కార్మికుల జీవిత హక్కులు,  శారీరక మరియు మానసిక ఆరోగ్యంపై వేసవి ప్రభావం గురించి అవగాహన పెంచడానికి జాతీయ మానవ హక్కుల కమిటీ (NHRC) ఒక ప్రచారాన్ని ప్రారంభించింది. కార్మికుల్లో అవగాహన పెంచడం ఈ ప్రచారం లక్ష్యం. వీటిలో మొదటిది అధిక-ఉష్ణోగ్రత ప్రదేశాలలో పనిని నిషేధించడంపై రాష్ట్రం ఆమోదించిన చట్టపరమైన నిర్ణయాలు, చట్టాలను అమలు చేయడానికి యజమానులు, కార్మికుల నిబద్ధత గురించి తెలుపుతోంది. ప్రధానంగా నిర్మాణ, డెలివరీ సేవల రంగాలలోని కార్మికుల కోసం ఉద్దేశించింది. ఇది ప్రవాస కార్మికుల హక్కులను పరిరక్షించడంలో జాతీయ పురోగతిని మెరుగుపరుస్తుంది. ఈ సందర్భంగా ఎన్‌హెచ్‌ఆర్‌సి ఛైర్‌పర్సన్ హెచ్‌ఇ మర్యమ్ బింట్ అబ్దుల్లా అల్ అత్తియా మాట్లాడుతూ... గత కొన్నేళ్లుగా ఖతార్ మానవ గౌరవాన్ని, స్వేచ్ఛ, న్యాయం, సమానత్వం, సహనం అనే పునాదులపై ఆధారపడి మానవ గౌరవాన్ని, ఆనందాన్ని పొందే లక్ష్యంతో మానవ హక్కుల విజయాలను పొందతుందని తెలిపారు. కార్మికుల మానవ హక్కులను గౌరవించడం, రక్షించడం, నెరవేర్చడం అనేది NHRC పర్యవేక్షిస్తున్న జాతీయ మానవ హక్కుల ప్రాధాన్యతలలో ప్రధాన బాధ్యతన్నారు. ఖతార్ లో ప్రవాస కార్మికులు దాదాపు 195 దేశాలకు చెందినవారు ఉన్నారని, వారి భద్రతకు తగిన చర్యలు తీసుకుంటున్నట్లు పేర్కొన్నారు. ఖతార్ శాశ్వత రాజ్యాంగంలో నిర్దేశించిన హక్కులు,  స్వేచ్ఛలతో పాటు సమానత్వం,  వివక్ష రహిత నియమాల ఆధారంగా అంతర్జాతీయ, ప్రాంతీయ మానవ హక్కుల సమావేశాలలో వివరిస్తున్నట్లు తెలిపారు.  వేసవి కాలంలో కార్మికులను వేడి కారణంగా ప్రమాదాల నుండి రక్షించడానికి అవసరమైన జాగ్రత్తలకు సంబంధించి 2021 మంత్రివర్గ డిక్రీ నంబర్ 17 అమలు - ప్రాముఖ్యత గురించి యజమానులు, కార్మికులకు అవగాహన కల్పించడం ఈ ప్రచార ప్రధాన లక్ష్యం అని NHRC చైర్‌పర్సన్ వివరించారు.