యూఏఈ: దుబాయ్ నుండి 100 కిలోల వరకు బ్యాగేజీని తీసుకువెళ్లడానికి ప్రయాణీకులను పాకిస్తాన్ విమానయాన సంస్థ సెరీన్ ఎయిర్  ఆఫర్ అందిస్తోంది. దక్షిణాసియా దేశానికి చెందిన యువ క్యారియర్ ఎకానమీ క్లాస్ ప్రయాణీకులకు గరిష్టంగా 3 చెక్-ఇన్ బ్యాగేజీలతో 70కిలోల బ్యాగేజీ అలవెన్స్‌ను అందిస్తోంది. సెరీన్ ప్లస్ (బిజినెస్ క్లాస్)లో ప్రయాణించే ప్రయాణికులు గరిష్టంగా 4 లగేజీలతో 100కిలోల వరకు తీసుకెళ్లేందుకు అనుమతి ఉంది. ఒక్కో ముక్క 32కిలోలకు మించకూడదు.  ఈ సదుపాయం తమ ఎయిర్‌బస్ 330-200లో అందుబాటులో ఉందని ఎయిర్‌లైన్ ట్వీట్‌లో తెలిపింది. దుబాయ్ నుండి లాహోర్ , ఇస్లామాబాద్‌కు వెళ్లే UAE నివాసితుల ఈ ఆఫర్ జూలై 31న ముగుస్తుంది.  UAEలో 1.7 మిలియన్ల మంది పాకిస్థానీలు నివసిస్తున్నారు. వీరిలో ఎక్కువ మంది దుబాయ్, నార్తర్న్ ఎమిరేట్స్‌లో నివసిస్తున్నారు.