కువైట్: అహ్మదీ, హవల్లీ మరియు ఫర్వానియా గవర్నరేట్‌లలో అంతర్గత వ్యవహారాల మంత్రిత్వ శాఖలోని రెసిడెన్సీ అఫైర్స్ ఇన్వెస్టిగేషన్ జనరల్ డిపార్ట్‌మెంట్ తన భద్రతా ప్రచారాలను కొనసాగించింది. రెసిడెన్సీ, లేబర్ చట్టాలను ఉల్లంఘించిన వివిధ దేశాలకు చెందిన 117 మంది వ్యక్తులను ఈ సందర్భంగా అరెస్టు చేసింది. అరెస్టయిన వారిలో నలుగురు డెలివరీ కంపెనీ ఉద్యోగులు కూడా ఉన్నారు. ఎంబసీ అధికారి వలె నటించి, గృహ కార్మికులను అక్రమంగా రవాణా చేసిన వ్యక్తిని కూడా అధికారులు అరెస్టు చేశారు. వారికి అతను ఆశ్రయం కల్పించి, వారిని గంట ప్రాతిపదికన పని చేయించాడు. అరెస్టు చేసిన వారందరినీ సంబంధిత అధికారులకు రిఫర్ చేసినట్టు అంతర్గత మంత్రిత్వ శాఖ వెల్లడించింది.