దుబాయ్‌: దుబాయ్‌లోని పబ్లిక్ పార్కులు, నైట్ బీచ్‌లను తిరిగి తెరవనున్నట్లు దుబాయ్ మునిసిపాలిటీ అధికారులు ప్రకటించారు. ఎమిరేట్‌లో భారీ వర్షాలు, బలమైన గాలుల కారణంగా దుబాయ్ మునిసిపాలిటీ ఆదివారం సాయంత్రం భద్రతా చర్యల్లో భాగంగా పార్కులు, బీచ్ లను తాత్కాలికంగా మూసివేసింది.  నివాస ప్రాంతాలు, రోడ్లపై పడిన చెట్లు తదితర 85 ఫిర్యాదులపై స్పందించినట్టు మున్సిపల్ అధికారులు వెల్లడించారు. మరోవైపు దుబాయ్‌లోని గేటెడ్ కమ్యూనిటీల నివాసితులు భారీ వర్షాల కారణంగా తమ పరిసరాల్లో చెట్లు కూలిపోయాయని, గార్డెన్లకు తీవ్ర నష్టం జరిగిందని పేర్కొన్నారు.