యూఏఈ: సుదీర్ఘ అంతరిక్ష యాత్రలో ఉన్న మొదటి యూఏఈ వ్యోమగామి సుల్తాన్ అల్నెయాడి, అతని క్రూ-6 బృందం సెప్టెంబర్ 1 కంటే ముందుగానే భూమికి తిరిగి వస్తారని అమెరికా అంతరిక్ష సంస్థ నాసా గురువారం వెల్లడించింది. ఈ మేరకు X (గతంలో Twitter) ద్వారా ప్రకటించింది. సెప్టెంబర్ 1వతేదీకంటే ముందుగానే వస్తారని వారు ఫ్లోరిడా తీరంలో దిగతారని పేర్కొంది. క్రూ-6 బృంద సభ్యులు మార్చి 3 నుంచి అంతరిక్ష కేంద్రంలో విధులు నిర్వహిస్తున్నారు. వీరిస్థానంలో నాసా వ్యోమగామి జాస్మిన్ మోఘ్‌బెలీ, యూరోపియన్ స్పేస్ ఏజెన్సీ వ్యోమగామి ఆండ్రియాస్ మోగెన్‌సెన్, జపాన్ ఏరోస్పేస్ ఎక్స్‌ప్లోరేషన్ ఏజెన్సీ వ్యోమగామి సతోషి ఫురుకావా, రోస్కోస్మోస్ కాస్మోనాట్ కాన్‌స్టాంటిన్ బోరిసోవ్ ఆగస్ట్ 25న ఎండ్యూరెన్స్ సెంటర్‌లో స్పేక్స్ రాకెట్ ద్వారా స్పేస్ స్టేషన్‌కు వెళతారని నాసా తెలిపింది.