‘ధమకా’తో సూపర్ హిట్టు కొట్టి, ‘వాల్తేర్ వీరయ్య’తో మరో హిట్ తన ఖాతాలో వేసుకున్న రవితేజ ఆ సక్సెస్‌ని కంటిన్యూ చేయలేకపోయాడు. ఆ తర్వాత వచ్చిన ‘నరకాసుర’ సినిమా ఫ్లాప్ లిస్టులో చేరిపోయింది.

ఇక, ఇప్పుడు ‘టైగర్ నాగేశ్వరరావు’ సినిమాతో రాబోతున్నాడు. ప్రస్తుతం శరవేగంగా షూటింగ్ జరుపుకుంటున్న ఈ సినిమాని అక్టోబర్‌లో రిలీజ్ చేసేందుకు సన్నాహాలు జరుగుతున్నాయ్.

కాగా, ఈ లోపు సినిమా టీజర్ రిలీజ్ చేసి ఆడియన్స్‌లో ఆసక్తి పెంచే ప్రయత్నం చేసింది ‘టైగర్ నాగేశ్వరరావు’ అండ్ టీమ్. టీజర్ ప్రామిసింగ్‌గా వుంది. కరడుగట్టిన దొంగ స్టూవర్ట్‌పురం టైగర్ నాగేశ్వరరావు జీవిత కథాంశం ఆధారంగా ఈ సినిమా రూపొందనున్న సంగతి తెలిసిందే.

టైటిల్ రోల్ పోషిస్తున్నాడు మాస్ రాజా రవితేజ. స్టూవర్ట్ పురం దొంగలా రకరకాల గెటప్స్‌లో డిఫరెంట్ సాహసాలు చేస్తూ కనిపిస్తున్నాడు రవితేజ ఈ సినిమాలో. పవర్ ‌ఫుల్ యాక్షన్‌తో పాటూ, ఇంట్రెస్టింగ్ ఎలిమెంట్స్ కూడా ఈ సినిమాలో వుండబోతున్నాయని తెలుస్తోంది. నుపుర్ సనన్, గాయత్రి భరద్వాజ్ ఈ సినిమాలో హీరోయిన్లుగా నటిస్తుండగా, పవన్ మాజీ సతీమణి రేణూ దేశాయ్ ఈ సినిమాతో రీ ఎంట్రీ ఇస్తున్నారు.