రియాద్: సౌదీ అరేబియాలోని చాలా ప్రాంతాలలో ఆదివారం నుండి గురువారం వరకు మోస్తరు నుండి భారీ వర్షాలు కురుస్తాయని, సౌదీ అరేబియాలోని ప్రజలు అప్రమత్తంగా ఉండాలని పౌర రక్షణ శాఖ జనరల్ డైరెక్టరేట్ హెచ్చరించింది. మక్కా ప్రాంతం, తైఫ్, మైసాన్, అధమ్, అల్ అర్దియత్, అల్ కమిల్, అలాగే అసిర్, అల్-బాహా, జజాన్, నజ్రాన్,  మదీనా ప్రాంతాలలో మోస్తరు నుండి భారీ వర్షాలు కురుస్తాయి, ఇది కుండపోత వర్షానికి దారితీయవచ్చని హెచ్చరించింది. వర్షం వడగళ్లతో కూడి ఉంటుందని, చురుకైన గాలులు దుమ్మును పెంచుతాయని తన ప్రకటలనలో పేర్కొంది.

అల్ జుముమ్, బహ్రా, అల్ కున్‌ఫుదా, అల్ లిత్, అల్ మువైహ్, అల్ ఖుర్మా, రన్యాహ్, తుర్బాతో సహా మక్కా ప్రాంతంలో తేలికపాటి నుండి మోస్తరు వర్షం కురుస్తుందని అలెర్ట్ జారీ చేసింది. రియాద్ ప్రాంతంలో తేలికపాటి వర్షం, చురుకైన గాలుల వీస్తాయని తెలిపింది. అలాగే అల్-ఖాసిమ్, మదీనా, తబుక్ అఫీఫ్, అల్ దువాదిమి, అల్ ఖువైయా, అర్ రేన్, అజ్ జుల్ఫీ, అల్ మజ్మా, అల్ ఘాట్, షక్రా, తాడిక్, హురైమిలా, రుమా, మక్కా ప్రాంతంతో పాటు జెద్దా, ఖులైస్, రబీగ్, అలాగే ప్రాంతాలలో కూడా తేలికపాటి వర్షాలు కురిసే అవకాశం ఉంటుంది. ఈనేపథ్యంలో ప్రజలు కుండపోత వర్షం కురిసే ప్రదేశాలకు వెళ్లవద్దని, ప్రమాదం కారణంగా అక్కడ ఈత కొట్టవద్దని సివిల్ డిఫెన్స్ తెలిపింది. ఆమోదించబడిన సోషల్ మీడియా ఖాతాలలో ప్రకటించిన సూచనలను ప్రజలు తప్పనిసరిగా అనుసరించాలని  కోరింది.