మస్కట్: ఒమన్ మినిస్ట్రీ ఆఫ్ హెరిటేజ్ అండ్ టూరిజం (MHT) గెస్ట్‌హౌస్‌లు, హోటళ్ల లైసెన్స్ లేని యజమానులు తమ సంస్థలకు టూరిజం లైసెన్సులను తీసుకోకుంటే కఠిన చర్యలు తీసుకుంటామని హెచ్చరించింది. లైసెన్స్ లేని గెస్ట్‌హౌస్‌లు, హోటళ్లు మరియు హోమ్‌స్టేలను క్రమబద్ధీకరించడానికి మంత్రిత్వ శాఖ ప్రారంభించిన ప్రచారం నేపథ్యంలో ఈ హెచ్చరిక జారీ చేసింది. అతిథులు,  సందర్శకులకు నాణ్యమైన సేవలను నిర్వహించడానికి యజమానులు మంత్రిత్వ శాఖ నుండి లైసెన్సులను పొందేలా ఈ ప్రచార లక్ష్యంగా ఉందని తెలిపింది. మంత్రిత్వ శాఖ ప్రకారం, ఒమన్‌లో 1,700 కంటే ఎక్కువ లైసెన్స్ లేని పర్యాటక సంస్థలు ఉన్నట్టు అంచనా.  పర్యాటక రంగాన్ని క్రమబద్ధీకరించడానికి మరియు అక్రమాలను తనిఖీ చేయడానికి మంత్రిత్వ శాఖ ‘క్వాలిటీ బిగిన్స్ విత్ లైసెన్సింగ్’ పేరుతో నెల రోజుల పాటు అవగాహన ప్రచారాన్ని ప్రారంభించింది.