సుజిత్ దర్శకత్వంలో పవన్ కళ్యాణ్ నటిస్తున్న ‘ఓజీ’ సినిమా ఇప్పటికే సగానికి పైగా షూటింగ్ పూర్తయిపోయింది. చివరి షెడ్యూల్‌ని విదేశాల్లో ప్లాన్ చేశారు. 

అందుకోసం పవన్ కళ్యాణ్ రాజకీయాలకు కాస్త గ్యాప్ ఇచ్చి, విదేశీ పయనం షురూ చేశారు కూడా. ఇక, ‘ఉస్తాద్ భగత్ సింగ్’ విషయానికి వస్తే, ఈ సినిమా దాదాపు ఆగిపోయిందన్న వార్తలు వినిపించాయ్. 

అయితే, ఈ సినిమా కూడా ఆగిపోలేదనీ, ఎలాగైనా పూర్తి చేసేస్తామని హరీష్ శంకర్ ధీమా వ్యక్తం చేస్తున్నారు. పవన్ కళ్యాణ్ పొలిటికల్ షెడ్యూల్స్‌కి ఎలాంటి ఆటంకం కలగకుండా, అలాగే, ‘ఓజీ’ షూటింగ్‌తో పాటూ, ఈ సినిమా షూటింగ్ కూడా చేసేయబోతున్నారట.

‘ఓజీ’ నిర్మాతలూ, భగత్ సింగ్ నిర్మాతలూ ఒకే మాట మీద వుండి ఈ రెండు సినిమాలూ పూర్తి చేసే బాధ్యతని బాధ్యతగా తీసుకున్నారనీ తెలుస్తోంది. ‘ఓజీ’ నిమిత్తం పవన్ వెళుతున్న చోటకే, భగత్ సింగ్ టీమ్ కూడా వెళ్లనున్నారనీ తెలుస్తోంది. అక్కడే కొన్ని సీన్లూ, పాటలూ షూట్ చేసేయనున్నాడట హరీష్ శంకర్. అదీ సంగతి.