సెన్సేషనల్ డైరెక్టర్ రామ్ గోపాల్ వర్మకి సంబంధించిన ఏ న్యూస్ అయినా అదో సంచలనమే. తనను తాను అలా సంచలనాత్మక డైరెక్టర్‌గా కాదు కాదు, వ్యక్తిగా మలచుకున్నారాయన. ఆయన తెరకెక్కించే సినిమాలు ఈ మధ్య రిలీజ్‌కే నోచుకోకపోతున్నప్పటికీ, రిలీజ్‌కి ముందు ఆయన చేసే హల్‌చల్, హంగామా అంతా ఇంతా కాకుండా పోతోంది.

ఆ మధ్య కొన్ని బూతు సినిమాలు తీసి రచ్చ రచ్చ చేసిన రామ్ గోపాల్ వర్మ, ‘వ్యూహం’ అనే టైటిల్‌తో ఓ సినిమా ప్రకటించిన సంగతి తెలిసిందే. తెలుగు రాష్ట్రాల రాజకీయాల నేపథ్యంలో ఈ సినిమా వుండబోతోందని ఫస్ట్ లుక్ పోస్టర్ ద్వారా హింట్ ఇచ్చారు.

ఆ తర్వాత కూడా కొన్ని పోస్టర్లు రిలీజ్ చేశారు. అయితే, ఆ పోస్టర్లే ఆయన కొంప ముంచేస్తున్నాయట. వైసీపీకి వ్యతిరేకంగా కన్‌వే అవుతున్నాయట. దాంతో, ఈ సినిమా వల్ల తమకేం ఒరిగేది వుండదని వైసీపీ నేతలు ఈ సినిమాని లైట్ తీసుకున్నారట.

అవును మరి, ఈ సినిమాకి స్పాన్సర్లు వాళ్లే కదా. వాళ్లు లైట్ తీసుకుంటే, వర్మగారు ఏం చేయగలరు.? అలా వర్మ ఒకటి అనుకుంటే, ఇంకోటి అయ్యింది ‘వ్యూహం’ విషయంలో. అలా వర్మ ‘వ్యూహం’ బెడిసికొట్టిందన్నమాట.