‘భోళా శంకర్’ సినిమాతో మెహర్ రమేష్‌కి ఓ మంచి హిట్ ఇవ్వాలని భావించారు మెగాస్టార్ చిరంజీవి. మెహర్ రమేష్ వ్యక్తిత్వం, మంచితనం తెలిసిన ఇండస్ర్టీలో చాలా మంది ఈ సినిమా ఎలాగైనా హిట్ అవ్వాలని, మెహర్ రమేష్‌కి మంచి కమ్ బ్యాక్ మూవీ అవ్వాలని ఆశించారు.
కానీ, ఎంత చేసినా టైమ్ బ్యాడ్. ఆయనకు ఎప్పటిలాగే ఫ్లాప్ వచ్చింది ‘భోళా శంకర్’తో. అయినా కానీ, చిరంజీవి మెహర్ రమేష్‌ని వదిలిపెట్టలేదట. ఓ చిన్న కాన్సెప్ట్.. చిన్న హీరో.. అంచనాల్లేకుండా ఓ సినిమా తెరకెక్కించమని సలహా ఇచ్చాడట.
ఆ క్రమంలోనే ఓ కథ సిద్ధం చేసుకున్నాడట. హీరోగా రాజ్ తరుణ్‌ని సెలెక్ట్ చేసుకున్నాడట మెహర్ రమేష్. ఒకప్పుడు మినిమమ్ గ్యారంటీ హీరోగా డబుల్ హ్యాట్రిక్ కొట్టిన యంగ్ హీరో రాజ్ తరుణ్‌కి ఇప్పుడు పెద్దగా మార్కెట్ లేదు.
చాలా కాలంగా రాజ్ తరుణ్ నుంచి సినిమాలేమీ రావడం లేదు. ఈ మధ్య ‘అహ నా పెళ్లంట’ అంటూ ఓ వెబ్ సిరీస్‌తో ఓటీటీలోనూ అడుగు పెట్టాడు కానీ, అదీ బెడిసికొట్టింది.
ఈ టైమ్‌లో రాజ్ తరుణ్‌తో ఓ సింపుల్ మూవీని తీసి వదిలితే ఎలా వుంటుంది.? అని భావిస్తున్నాడట మెహర్ రమేష్. ఒకవేళ లక్కు కలిసొచ్చి సినిమా హిట్టయితే, అటు రాజ్ తరుణ్‌కీ, ఇటు మెహర్ రమేష్‌కీ సెల్ఫ్ శాటిస్‌ఫేక్షన్ కదా.! పూర్తి వివరాలు తెలయాల్సి వుంది.