ఫెడరల్‌ నేషనల్‌ కౌన్సిల్‌ మెంబర్‌ ఖాలిద్‌ అల్‌ ఫలాసి, ఎమిరటైజేషన్‌కి మద్దతివ్వాల్సిన ఎటిసలాట్‌, ఎమిరేటీ ఉద్యోగుల్ని తమ సంస్థ నుంచి తొలగిస్తోందని ఆందోళన వ్యక్తం చేశారు. దుబాయ్‌లో జరిగిన ఎఫ్‌ఎన్‌సి సమావేశంలో, ఎమిరేటీ ఎంప్లాయీస్‌ని, వలసదారులతో రీప్లేస్‌ చేస్తుండడం పట్ల అభ్యంతరం వ్యక్తం చేశారు. 806 మంది వలసదారుల్ని, అలాగే ఎనిమిది మంది ఎమిరేటీలను 2014 నుంచి 2016 మధ్యలో సంస్థ నిబంధనల్ని ఉల్లంఘించినందుకు, మిస్‌ కండక్ట్‌ ఆరోపణలతో తొలగించినట్లు ఏప్రిల్‌లో ఎటిసలాట్‌ సిఇఓ సలే అల్‌ అబ్దౌలి చెప్పారు. అయితే ఈ సమావేశానికి ఆయన మాజరు కాలేదు. సంస్థ ప్రతినిథులు మాత్రం ఎమిరేటైజేషన్‌కి తాము పూర్తి మద్దతిస్తున్నట్లు చెప్పారు.