బహ్రెయిన్: 10వ బహ్రెయిన్ ఇంటర్నేషనల్ ఇ-గవర్నమెంట్ ఫోరమ్ అక్టోబర్ 9 నుండి 11 వరకు గ్రాండ్ హాల్‌లోని ఎగ్జిబిషన్ వరల్డ్ బహ్రెయిన్‌లో జరగనుంది. ఇన్ఫర్మేషన్ & ఇ-గవర్నమెంట్ అథారిటీ (iGA) ద్వారా నిర్వహించబడిన ఈ కార్యక్రమం అంతర్గత వ్యవహారాల మంత్రి, ఇన్ఫర్మేషన్ అండ్ కమ్యూనికేషన్ టెక్నాలజీ (MCICT) మంత్రిత్వ కమిటీ ఛైర్మన్ అయిన  జనరల్ రషీద్ బిన్ అబ్దుల్లా అల్ ఖలీఫా ఆధ్వర్యంలో జరుగనుంది. ఫోరమ్ 'AI: రీషేపింగ్ ఇండస్ట్రీస్' థీమ్ తో నిర్వహించనున్నారు. ఫోరమ్ లో కృత్రిమ మేధస్సు అధునాతన సాంకేతికతలలో ముందంజలో ఎలా నిలుస్తుంది, పురోగతిని వేగవంతం చేయడంలో, ఆవిష్కరణలను ప్రేరేపించడంలో మరియు విభిన్న రంగాలలో వృద్ధిని ప్రోత్సహించడంలో కీలక పాత్ర ఎలా పోషిస్తుందన్న విషయాలపై చర్చలు జరుగుతాయని నిర్వాహకులు తెలిపారు.ఈ కార్యక్రమంలో AI మరియు ఇన్ఫర్మేషన్ టెక్నాలజీ (IT)లో అంతర్జాతీయంగా పేరున్న ప్రముఖులు పాల్గొననున్నారు.