‘రాజావారు రాణివారు’ సినిమాతో హీరోగా పరిచయమై, ఆ తర్వాత ‘ఎస్.ఆర్. కళ్యాణ మండపం’ తదితర చిత్రాలతో సూపర్ హిట్టు కొట్టి అనతి కాలంలోనే అనూహ్యంగా స్టార్ ‌డమ్ దక్కించుకున్న యంగ్ స్టర్ కిరణ్ అబ్బవరం.
 అయితే ఆ తర్వాత కాస్త స్లో అయ్యాడీ కుర్ర హీరో. కిరణ్ అబ్బవరం తాజా చిత్రానికి ‘రూల్స్ రంజన్’ అని టైటిల్ పెట్టిన సంగతి తెలిసిందే.
ఈ సినిమాలో నేహా శెట్టి హీరోయిన్‌గా నటిస్తోంది. ఈ సినిమా అక్టోబర్‌లో రిలీజ్ కావల్సి వుండగా, సెప్టెంబర్ 28కి ప్రీ పోన్ అయ్యింది. ఇదే డేట్‌లో రిలీజ్ కావల్సిన ‘సలార్’ పోస్ట్‌పోన్ కావడంతో, ‘రూల్స్ రంజన్’ ఈ డేట్‌ని ఫిక్స్ చేసుకుంది. 
కాగా, ‘బెదురులంక’ సినిమాతో ఎప్పటి నుంచో హిట్ కోసం ఎదురు చూస్తున్న కార్తికేయకు సూపర్ హిట్ దక్కింది. దీనంతటికీ కారణం హీరోయిన్ నేహా శెట్టి అదృష్టమే అని ప్రచారం జరుగుతోంది.
ఒకవేళ అదే అదృష్టం మనోడికీ కలిసొస్తే, ‘రూల్స్ రంజన్’ పెద్ధ హిట్ అయిపోయే అవకాశాలున్నాయ్. ఈ సినిమా రిలీజ్ టైమ్ కూడా హాలీడేస్ కలిసొచ్చే టైమ్ కావడంతో, కిరణ్ అబ్బవరం దశ తిరగబోతోందంటున్నారు. నేహాశెట్టిలో హిట్టు కళ కొట్టొచ్చినట్లు కనిపిస్తోంది.
సో, ‘రూల్స్ రంజన్’ హిట్టు.. సూపర్ హిట్టు అయ్యే అవకాశాలు చాలా చాలా ఎక్కువే అని అంచనాలు వేస్తున్నారు.