మొన్న ‘గుంటూరు కారం’ సినిమాకి సంబంధించి పూజా హెగ్ధే ప్లేస్‌ని పట్టేసింది అనూహ్యంగా శ్రీలీల. ఇప్పుడు మరో హీరోయిన్ రోల్‌కీ ఎసరు పెట్టేసింది. ఆల్రెడీ తెలిసిన ముచ్చటే అయినా.. అందులోని లోతు లేట్‌గా బయటికి వచ్చింది.
ప్రస్తుతం శ్రీలీల నటిస్తున్న సినిమాల్లో ‘స్కంధ’ ఒకటి. ఈ సినిమాలో శ్రీలీలే హీరోయిన్‌గా ఇంతవరకూ ప్రొజెక్ట్ అవుతూ వచ్చింది. అయితే, ఈ సినిమాలో మరో హీరోయిన్ కూడా వుంది. 
ఆమె పేరు సాయి మంజ్రేకర్. వరుణ్ తేజ్ హీరోగా వచ్చిన ‘గని’ సినిమాలో హీరోయిన్ ఈ సాయి మంజ్రేకర్. ‘స్కంధ’ సినిమాకి మెయిన్ లీడ్ హీరోయిన్‌గా సాయి మంజ్రేకర్‌నే ఎంపికైంది. ఆమెతో లీడ్ సీన్లు మొదట కొన్ని తెరకెక్కించారు కూడా.
అయితే, ఇంతలో శ్రీలీల ఈ ప్రాజెక్టులోకి వచ్చి చేరడంతో, ఆమె క్యారెక్టర్ సైడ్ అయిపోయింది. శ్రీలీలకున్న క్రేజ్‌తో సాయి మంజ్రేకర్‌ని సెకండ్ హీరోయిన్‌గా చేసి, శ్రీలీలకు మొదటి ప్లేస్ ఇచ్చేశారట. లేట్‌గా ఈ విషయం బయటికొచ్చింది. 
మొత్తానికి టాలీవుడ్‌లో శ్రీలీల కారణంగా దెబ్బయిపోతున్న హీరోయిన్ల లిస్టు అంతకంతకూ పెరిగిపోతున్నట్లే కనిపిస్తోంది.