హైదరాబాద్: కొన్ఫెడరేషన్ ఆఫ్ ఇండియన్ ఇండస్ట్రి (సీఐఐ) నిర్వహించిన 'ఎక్సలెన్స్ ఇన్ ఎనర్జీ మేనేజ్మెంట్' 24వ జాతీయ అవార్డు ప్రదానోత్సవంలో జీఎంఆర్ హైదరాబాద్ అంతర్జాతీయ ఎయిర్పోర్ట్ (జీహెచ్ఐఏఎల్) మరోసారి ప్రతిష్టాత్మక 'నేషనల్ ఎనర్జీ లీడర్', 'ఎక్సలెంట్ ఎనర్జీ ఎఫిషియెన్సీ యూనిట్' అవార్డులను గెలుచుకుంది. ఇప్పటికీ హైదరాబాద్ ఎయిర్పోర్ట్ 'నేషనల్ ఎనర్జీ లీడర్' అవార్డ్ వరసగా 5 సంవత్సరాలు మరియు 'ఎక్సలెంట్ ఎనర్జీ ఎఫిషియెన్సీ యూనిట్' అవార్డ్ వరసగా 7 సంవత్సరాలగా గెలుస్తూ వస్తోంది. 

జిహెచ్ఐఎఎల్ దాని స్థిరమైన పద్ధతులు మరియు ఇంధన సంరక్షణ పట్ల నిబద్ధతకు ప్రసిద్ది చెందింది. వినూత్న కార్యక్రమాల ద్వారా కార్బన్ ఫూట్ప్రింట్ ను తగ్గించడానికి మరియు శక్తి వినియోగాన్ని ఆప్టిమైజ్ చేయడానికి దాని నిరంతర ప్రయత్నాలను పరిశ్రమ నిపుణులు గుర్తించారు. ఎనర్జీ మేనేజ్మెంట్లో జీహెచ్ఐఏఎల్ నాయకత్వాన్ని, సుస్థిర భవిష్యత్తుకు చేసిన కృషిని గుర్తించి నేషనల్ ఎనర్జీ లీడర్ అవార్డును ప్రదానం చేశారు. ఎక్సలెంట్ ఎనర్జీ ఎఫిషియెన్సీ యూనిట్ అవార్డు జిహెచ్ఐఎఎల్ ను ప్రతి సంవత్సరం స్థిరంగా తన ఇంధన సామర్థ్య పనితీరును మెరుగుపరిచిన సంస్థగా గుర్తిస్తుంది.

జీఎంఆర్ హైదరాబాద్ ఇంటర్నేషనల్ ఎయిర్పోర్ట్ లిమిటెడ్ సిఇఒ ప్రదీప్ పాణికర్ మాట్లాడుతూ, "ఇంధన వినియోగంలో సమర్థవంతమైన మరియు సుస్థిరమైన చొరవలను అవలంబించడంలో హైదరాబాద్ విమానాశ్రయం ముందంజలో ఉంది. ఒక సంస్థగా, పర్యావర్ణాన్ని రక్షించాల్సిన ఆవశ్యకతను దృష్టిలో ఉంచి మేము ఎన్నో చర్యలు చేపట్టాము  మరియు కర్బన ఉద్గారాలను తగ్గించడానికి కార్యాచరణ సామర్థ్యాలను ఆప్టిమైజ్ చేయడానికి నిరంతరం పనిచేస్తాము. ఎనర్జీ ఎఫిషియెన్సీ టెక్నాలజీలో పెట్టుబడులు పెడుతున్నామని, 2030 నాటికి కార్బన్ న్యూట్రాలిటీని సాధించడాన్ని లక్ష్యంగా పెట్టుకున్నామని చెప్పారు.

నేషనల్ ఎనర్జీ లీడర్ అవార్డు, ఎక్సలెంట్ ఎనర్జీ ఎఫిషియెన్సీ యూనిట్ అవార్డులు సుస్థిర భవిష్యత్తు పట్ల జీహెచ్ఐఏఎల్ నిబద్ధతకు నిదర్శనం. ఈ ప్రశంసలు ఇతర సంస్థలను కూడా స్థిరమైన పద్ధతులను అవలంబించడానికి మరియు తదుపరి తరాలకు మంచి భవిష్యత్తును సృష్టించడానికి దోహదం చేయడానికి ప్రోత్సహిస్తాయి.