ఈ మధ్య వయసుతో సంబంధం లేకుండానే పలువురు సెలబ్రిటీలు ఆకస్మికంగా మృత్యువాత పడుతున్న సంగతి తెలిసిందే. ఈ మరణాలకు టైప్ 2 మధుమేహం ఓ కారణం కావచ్చని ఓ అధ్యయనం ద్వారా వెల్లడైంది.

మధుమేహం ఒక్కసారి ఎటాక్ అయితే అంతే సంగతి. జీవితాంతం దానితో సహజీవనం చేయాల్సిందే. మారుతున్న జీవన శైలి, ఆహార కల్తీ.. వయసుతో సంబంధం లేకుండా మధుమేహం వ్యాపించేలా చేస్తోంది.  

ముఖ్యంగా యువత మధుమేహం బారిన ఎక్కువగా పడుతున్నారు. అందుకు కారణం ఒత్తిడి. ఒత్తిడిని లైట్ తీసుకోరాదని నిపుణులు హెచ్చరిస్తున్నారు.

అలాగే, సరైన వ్యాయామం లేకపోవడం, ఎక్కువ సేపు కంప్యూటర్ ముందు కూర్చునే వుద్యోగాల్లో వున్నవారు, సరైన పోషకాహారం తీసుకోని వారు, టైమ్‌కి తిండి, నిద్ర లేని వారు ఈ టైప్ 2 మధుమేహానికి గురవుతున్నారు.

టైప్ 2 మధుమేహం కారణంగా చిన్న వయసులోనే పక్షవాతం, గుండె నొప్పి, మూత్ర పిండాల సమస్యలు తదితర సమస్యలు యువతను బాధిస్తున్నాయ్. ఇవే ఆకస్మిక మరణాలకు దారి తీస్తున్నాయ్. అందుకే డయాబెటిస్ ముందుగానే గుర్తించి తగిన చికిత్స తీసుకుంటూ, వ్యక్తిగత జాగ్రత్తలు తీసుకోవాలని, తద్వారా ఆయుర్ధాయం పెంచుకోవాలని వైద్య నిపుణులు సూచిస్తున్నారు.