యూఏఈ: UAE నివాసితులు ఇప్పుడు ఆన్‌లైన్ లో తమ వీసా సమాచారాన్ని సులభంగా అప్‌డేట్ చేయవచ్చు. అలాగే నివాస వీసాలలో మార్పులను చేసుకోవచ్చు. అదే సమయంలో ఎమిరేట్స్ ID భర్తీ కోసం ఆటోమేటిక్ అప్లికేషన్ కూడా సమర్పించబడుతుంది. ఈ మేరకు ఫెడరల్ అథారిటీ ఫర్ ఐడెంటిటీ అండ్ సిటిజన్‌షిప్, కస్టమ్స్ మరియు పోర్ట్ సెక్యూరిటీ (ICP) వెల్లడించింది. ఈ సేవను ఉపయోగించుకోవడానికి ఆసక్తి ఉన్న వారు అధికార అధికారిక వెబ్‌సైట్ ( www.icp.gov.ae ) లేదా UAEICP స్మార్ట్ యాప్ ద్వారా యాక్సెస్ చేయవచ్చు .ఆన్‌లైన్ ప్లాట్‌ఫారమ్ ద్వారా వ్యక్తిగత సమాచారం, వృత్తి, పాస్‌పోర్ట్ వివరాలు లేదా జాతీయత (కొత్త జాతీయతను పొందే సందర్భంలో) సహా వివిధ నివాస వీసా డేటాను సవరించడానికి అనుమతిస్తుంది. ఈ సేవ కోసం దరఖాస్తు చేయడానికి, నివాసితులు కలర్ ఫోటో, పాస్పోర్ట్ కాపీ, స్పాన్సర్ సంతకం చేసిన లెటర్,ఎమిరేట్స్ ID కార్డ్ కాపీ వంటి పత్రాలను సమర్పించాలి. దీంతో పాటు Dh200 రుసుము చెల్లించాలి.