యూఏఈ: చల్లని వాతావరణం నెలకొనడంతో అవుట్‌డోర్ సీట్ల ఏర్పాటు పెరుగుతోంది. అయితే, ఈ ఆల్ ఫ్రెస్కో ప్రాంతాలను ఏర్పాటు చేయడానికి ముందు రెస్టారెంట్ మరియు కేఫ్ యజమానులు నిబంధనలను గుర్తుంచుకోవాలి. అబుదాబి సిటీ మునిసిపాలిటీ ప్రకారం.. నిబంధనలు ఉల్లంఘించిన వారికి 5,000 Dhల వరకు జరిమానా విధించబడుతుంది. దుకాణాలు, తినుబండారాలు, కేఫ్‌లు మరియు ఇతర సేవా వేదికలతో సహా వాణిజ్య సంస్థల సమీపంలో తాత్కాలిక అవుట్‌డోర్ సీటింగ్ ప్రాంతాలను ఏర్పాటు చేయడానికి అనుమతులు అవసరం. ఈ మేరకు ఈ విషయానికి సంబంధించిన నిబంధనలను అందరికి తెలియజేయడానికి మునిసిపాలిటీ ఒక క్యాంపెయిన్ ను ప్రారంభించింది.

వ్యాపార యజమానులు TAMM ప్లాట్‌ఫారమ్ ద్వారా అనుమతి అభ్యర్థనలను సమర్పించవచ్చు.  సిటీ మునిసిపాలిటీ కేంద్రం ప్రతిపాదిత అవుట్‌డోర్ సీటింగ్ కొలతలను బట్టి సంబంధిత రుసుములను నిర్ణయిస్తుంది. అవుట్‌డోర్ సీటింగ్ కోసం పర్మిట్ రుసుము అవసరమైన స్థలం ఆధారంగా లెక్కించబడుతుంది.  Dh10,000 తిరిగి చెల్లించదగిన డిపాజిట్‌ను సమర్పించాలి. జారీ చేయబడిన అనుమతులు ఒక సంవత్సరం పాటు చెల్లుబాటులో ఉంటాయని మున్సిపాలిటీ తెలిపింది. నిబంధనలు ఉల్లంఘించబడినా లేదా పట్టణాభివృద్ధికి అవసరమైతే అనుమతిని ఉపసంహరించుకునే హక్కు మునిసిపాలిటీకి ఉంటుంది.   ఔట్ డోర్ సీటింగ్ ఏరియాను అనధికారికంగా ఏర్పాటు చేస్తే 5,000 దిర్హాంలు జరిమానా విధిస్తారు. అయితే పర్మిట్ షరతులను ఉల్లంఘిస్తే 3,000 దిర్హామ్‌ల జరిమానా విధించబడుతుందని అబుదాబి సిటీ మునిసిపాలిటీ వెల్లడించింది.