యూఏఈ: యూఏఈ నివాసితులు ఈ నెల ప్రారంభంలో అద్భుతమైన 'రింగ్ ఆఫ్ ఫైర్' వార్షిక సూర్యగ్రహణాన్ని చూడలేకపోయారు. అయితే, మరొక ఉత్కంఠభరితమైన చంద్రగ్రహణాన్ని  చూసే అవకాశం లభిస్తుంది. అక్టోబరు 28న గ్రహణాన్ని చూడవచ్చని దుబాయ్ ఆస్ట్రానమీ గ్రూప్ (DAG) తెలిపింది.

ఉత్తమ వీక్షణకు

యూఏఈలో ఎక్కడి నుంచైనా గ్రహణాన్ని వీక్షించవచ్చు. చంద్రుని మార్గం స్పష్టమైన వీక్షణను కలిగి ఉన్న ఏదైనా బహిరంగ ప్రదేశం నుండి చూడవచ్చని DAG జనరల్ మేనేజర్ షీరాజ్ అహ్మద్ అవాన్ తెలిపారు.అల్ తురయా ఖగోళ శాస్త్ర కేంద్రంలో ఒక కార్యక్రమాన్ని నిర్వహిస్తుందని తెలిపారు. అయితే, గ్రహణాన్ని చూడటానికి మీకు ప్రత్యేక పరికరాలు అవసరం లేదని, కానీ టెలిస్కోప్ మెరుగైన వీక్షణను పొందడానికి సహాయపడుతుందని చెప్పారు. చంద్ర గ్రహణాన్ని కంటితో చూడటం సురక్షితమని పేర్కొన్నారు.

గ్రహణం సమయాలు

అవాన్ ప్రకారం.. పాక్షిక గ్రహణం వ్యవధి 1 గంట మరియు 17 నిమిషాలు, మొత్తంగా 4 గంటల 25 నిమిషాలు ఉంటుంది.

- పెనుంబ్రల్ గ్రహణం రాత్రి 10.01 గంటలకు ప్రారంభమవుతుంది.

- పాక్షిక గ్రహణం రాత్రి 11.35 గంటలకు ప్రారంభమవుతుంది.

- 12.14 గంటలకు గరిష్ట గ్రహణం (ఆదివారం, అక్టోబర్ 29 అర్ధరాత్రి తర్వాత)

- అర్ధరాత్రి 12.52 గంటలకు పాక్షిక గ్రహణం ముగుస్తుంది.

- పెనుంబ్రల్ గ్రహణం తెల్లవారుజామున 2.26 గంటలకు ముగుస్తుంది.