బుల్లితెర బిగ్ గేమ్ షో బిగ్ బాస్ చాలా మందికి కెరీర్ పరంగా హెల్ప్ అయ్యిందని చెప్పొచ్చు. బిగ్‌బాస్‌ షో ద్వారా వచ్చిన ఫేమ్‌తో కొందరు హీరోలూ, హీరోయిన్లుగా రాణించడమే కాదు, బోలెడంత పాపులారిటీ దక్కించుకున్న సంగతి తెలిసిందే.

తాజాగా బిగ్‌బాస్ ఫేమ్ దేత్తడి హారిక త్వరలో హీరోయిన్‌గా తెరంగేట్రం చేయబోతోంది. ఎప్పటి నుంచో యూ ట్యూబర్‌గా బోలెడంత పాపులారిటీ వున్న దేత్తడి హారిక, బిగ్‌బాస్‌తో మరింత ఫేమ్ సంపాదించుకుంది.

లేటెస్ట్‌గా సాయి రాజేష్ రూపొందిస్తున్న ఓ సినిమా కోసం హీరోయిన్‌గా ఎంపికైంది. వెరీ లేటెస్ట్గ‌గా ఈ సినిమా స్టార్ట్ అయ్యింది. ఓ బ్యూటిపుల్ రొమాంటిక్ లవ్ స్టోరీగా ఈ సినిమా వుండబోతోందనీ లాంఛింగ్ పోస్టర్ ద్వారా హింట్ ఇచ్చేశారు. నిర్మాతగా అభిరుచి గల సినిమాలను రూపొందించి తనకంటూ ఓ ప్రత్యేక గుర్తింపు తెచ్చుకున్న సాయి రాజేష్, ఇటీవలే ‘బేబీ’ సినిమాతో  వైష్ణవీ చైతన్యను హీరోయిన్‌గా పరిచయం చేసి, సెన్సేషనల్ హిట్ అందుకున్నాడు.  

ఇప్పుడు మరో యూ ట్యూబర్ కమ్ బిగ్‌బాస్ బ్యూటీ అయిన దేత్తడి హారిక టైమొచ్చింది. ఎప్పటి నుంచో సినిమాల్లో రాణించాలనుకున్న దేత్తడి హారిక కోరిక ఇన్నాళ్లకు తీరబోతోంది. హీరోయిన్ ఫ్రెండ్ తరహా సైడ్ క్యారెక్టర్లలో ఆల్రెడీ సినిమాల్లో నటించిన అనుభవం వున్న హారిక సాయి రాజేష్ పుణ్యమా అని హీరోయిన్‌గా ప్రమోట్ అయ్యిందిప్పుడు.

సంతోష్ శోభన్ హీరోగా రూపొందుతోన్నఈ  సినిమా తాజాగా పూజా కార్యక్రమాలతో లాంఛనంగా మొదలైంది. అక్కినేని నాగ చైతన్య ఈ పూజా కార్యక్రమానికి ముఖ్య అతిథిగా విచ్చేశారు.