యూఏఈ: షార్జాలో మంగళవారం ఉదయం జరిగిన భారీ అగ్నిప్రమాదంలో ఎమిరాటీ వ్యక్తి,  అతని కుమార్తె మరణించినట్లు అధికారులు తెలిపారు. అధికారులు తెలిపిన వివరాల ప్రకారం.. 12 ఏళ్ల బాలిక, ఆమె తండ్రి కాలిన గాయాలతో తీవ్రంగా గాయపడి మరణించారు. షార్జా సివిల్ డిఫెన్స్ అథారిటీ ఉదయం 4.27 గంటలకు షార్జాలోని అల్ సుయోహ్ 16 పరిసర ప్రాంతంలోని ఒక ఇంట్లో అగ్నిప్రమాదం జరిగిందని సమాచారం అందింది. ఎమర్జెన్సీ రెస్పాన్స్ టీమ్‌లు వెంటనే ఘటనాస్థలికి చేరుకున్నాయి. అగ్నిమాపక సిబ్బంది మంటలను ఆర్పివేస్తుండగా, ప్రాంగణంలో బాలికను గుర్తించి, ఆమె తండ్రిని గది నుండి బయటకు తీసుకొచ్చారని అధికారులు తెలిపారు. నేషనల్ అంబులెన్స్ బృందం యువతి కాలిన గాయాలకు చికిత్స చేయడానికి అన్ని ప్రయత్నాలు చేసింది. అయితే ఆమె గాయాలతో మరణించింది. ఎమిరాటీ వ్యక్తిని వెంటనే ఆసుపత్రికి తరలించగా, అక్కడికి చేరుకోగానే మరణించినట్లు ప్రకటించారు. షార్జా సివిల్ డిఫెన్స్ అథారిటీ నివాసితులు అందరూ జాగ్రత్తగా ఉండాలని, అగ్ని భద్రతా నియమాలను పాటించాలని పిలుపునిచ్చారు. నిద్రపోయే ముందు స్మోక్ డిటెక్టర్‌లను ఇన్‌స్టాల్ చేయాలని, అన్ని ఉపకరణాలు మరియు ఎలక్ట్రానిక్‌లను అన్‌ప్లగ్ చేయాలని సూచించారు. అలాగే ఇంట్లో ఉన్న అన్ని ఎలక్ట్రికల్ పరికరాలను కూడా క్రమం తప్పకుండా తనిఖీ చేయించాలన్నారు.