దుబాయ్‌: ఐరోపా దేశం నుండి వస్తున్న ఒక ప్రయాణికుడిని దుబాయ్ అంతర్జాతీయ విమానాశ్రయం (DXB) వద్ద అదుపులోకి తీసుకున్నారు. అతని వద్ద నుంచి హాలూసినోజెనిక్ మాత్రలు, ఇతర చట్టవిరుద్ధమైన మాదక ద్రవ్యాలను స్వాధీనం చేసుకున్నారు. ప్రయాణికుడు తన లగేజీలో 292 హాలూసినోజెనిక్ మాత్రలు, 5 హాలూసినోజెనిక్ స్టాంపులు మరియు 13.84 గ్రాముల బరువున్న హాలూసినోజెనిక్ పౌడర్‌తో పాటు 7.38 గ్రాముల కొకైన్, 274.59 గ్రాముల క్రిస్టల్ మెథాంప్‌ను గుర్తించిన అధికారులు వాటిని సీజ్ చేసారని దుబాయ్ కస్టమ్స్‌లోని ప్యాసింజర్ ఆపరేషన్స్ డిపార్ట్‌మెంట్ డైరెక్టర్ ఖలీద్ అహ్మద్ తెలిపారు. చట్టవిరుద్ధమైన డ్రగ్స్ నుండి సమాజాన్ని రక్షించడానికి అధికారులు గొప్ప ప్రయత్నాలు చేస్తున్నారని అన్నారు.