‘ఆర్ఆర్ఆర్’ సినిమా తర్వాత యంగ్ టైగర్ ఎన్టీయార్ గ్లోబల్ రేంజ్ అందుకున్న సంగతి తెలిసిందే. ఆ నేపథ్యంలోనే బాలీవుడ్ గ్రీకు వీరుడు హృతిక్ రోషన్ కాంబినేషన్‌లో ఓ భారీ మల్టీ స్టారర్ రూపొందబోతున్నట్లు అప్పట్లోనే అనౌన్స్ చేశారు.

అదే ‘వార్ 2’. ఎన్టీయార్ ప్రతినాయక ఛాయలున్న పాత్రలో కనిపించే ఈ సినిమాని అత్యంత భారీ బడ్జెట్‌తో ప్రెస్టీజియస్‌గా రూపొందిస్తున్నారు. జనవరి నుంచి ఈ సినిమా రెగ్యులర్ షూటింగ్‌కి రెడీ అవుతోందనీ తెలుస్తోంది. ఇప్పటికే సినిమా ప్రీ ప్రొడక్షన్ పనులు పూర్తి చేసింది చిత్ర యూనిట్.

అయాన్ ముఖర్జీ దర్శకత్వం వహిస్తున్న ఈ సినిమాని 2025లో రిలీజ్ చేసేందుకు ప్లాన్ వుంది. ఈ లోపు ఎన్టీయార్ ‘దేవర’ సినిమా పూర్తి చేసి, ఈ సినిమా షూటింగ్‌లో పాల్గొనబోతున్నాడనీ తెలుస్తోంది.

మరోవైపు ‘దేవర’ శరవేగంగా షూటింగ్ జరుపుకుంటోంది. రెండు పార్టులుగా తెరకెక్కుతోన్న ఈ సినిమా మొదటి పార్ట్ డిశంబర్‌కల్లా పూర్తి కానుందనీ తెలుస్తోంది. ఆ తర్వాత ‘వార్ 2’ సెట్స్‌లో అడుగు పెట్టబోతున్నారట ఎన్టీయార్. ఈ సినిమాలో హృతిక్ రోషన్, ఎన్టీయార్ మధ్య జరిగే యాక్షన్ ఘట్టాలే సినిమాకి హైలైట్. హాలీవుడ్ రేంజ్‌లో ఆ యాక్షన్ ఘట్టాల్ని చిత్రీకరించేందుకు అయాన్ ముఖర్జీ సర్వం సిద్ధం చేశారట.