రణ్‌బీర్ కపూర్, రష్మిక మండన్నా జంటగా బాలీవుడ్‌లో తెరకెక్కుతోన్న సినిమా ‘యానిమల్’. ఈ మధ్య బాలీవుడ్, టాలీవుడ్ అనే తేడా లేకుండా ఇండియన్ సినిమాగా సినిమా ఇండస్ట్రీ చెలామణీ అవుతున్న నేపథ్యంలో తెలుగు సినిమాలు హిందీలోనూ, హిందీ ఇతర భాషా సినిమాలు తెలుగులోనూ డైరెక్ట్ రిలీజ్ అవుతున్నాయ్.

ఆ నేపథ్యంలోనే ‘యానిమల్’ సినిమా కూడా తెలుగులో గ్రాండ్‌గా రిలీజ్ అవుతోంది. డిశంబర్ 1న ఈ సినిమా ప్రేక్షకుల ముందుకు రానుంది. ఈ క్రమంలో సినిమాకి ప్రమోషన్లు గట్టిగా జరుగుతున్నాయ్.

తెలుగు సినిమా ‘అర్జున్ రెడ్డి’తో సెన్సేషన్ అయిన డైరెక్టర్ సందీప్ రెడ్డి వంగా ఈ సినిమాకి దర్శకుడు కావడంతో మరింత హైప్ వుంది సినిమాపై.

నేషనల్ క్రష్ రష్మిక మండన్నా హీరోయిన్ అవ్వడం మరో అస్సెట్. కాగా, ఈ సినిమా తండ్రి సెంటిమెంట్‌తో తెరకెక్కుతోందన్న హింట్ అయితే ఇచ్చేశారు. తండ్రి పాత్రలో సీనియర్ బాలీవుడ్ నటుడు అనిల్ కపూర్ నటిస్తున్నారు.

తాజాగా ఈ సినిమా నుంచి ‘నాన్న నువ్వు నా ప్రాణం’ అనే సాంగ్ రిలీజ్ చేశారు. ఈ పాట తెలుగు ఆడియన్స్‌కి బాగా కనెక్ట్ అవుతోంది. ఇప్పటికే తెలుగులో ఈ తరహాలో చాలా చాలా సినిమాలొచ్చాయ్.

‘నాన్నకు ప్రేమతో’, ‘హైపర్’ తదితర సినిమాలు నాన్న సెంటిమెంట్ సినిమాలే. మంచి ఆదరణ దక్కించుకున్నాయ్ కూడా. అలా ‘యానిమల్’ కూడా ఆదరణ దక్కించుకుంటుందా.? లేక, తెలుగు ఆడియన్స్ లైట్ తీసుకుంటారా.? అనేది చూడాలి మరి.