యూఏఈ: 52వ యూఏఈ జాతీయ దినోత్సవం సందర్భంగా ఫుజైరా పోలీసులు ట్రాఫిక్ ఉల్లంఘనలపై 50 శాతం తగ్గింపును ప్రకటించారు. నవంబర్ 30 నుండి 52 రోజుల పాటు తీవ్రమైన ఉల్లంఘనల కేసులు మినహా తగ్గింపును అందించనున్నట్లు అధికార యంత్రాంగం తెలిపింది. ఇది నవంబర్ 30కు ముందు జరిగిన ఉల్లంఘనలకు మాత్రమే వర్తిస్తుందని ఫుజైరా పోలీస్ కమాండర్-ఇన్-చీఫ్ మేజర్ జనరల్ మహ్మద్ అహ్మద్ బిన్ ఘనేమ్ అల్ కాబి తెలిపారు. ఈ అవకాశాన్ని ఉపయోగించుకోవాలని పిలుపునిచ్చారు.