మాస్కో: రష్యా అధ్యక్షుడు వ్లాదిమిర్ పుతిన్.. సౌదీ అరేబియా, యూఏఈలలో షెడ్యూల్ చేసిన సమావేశాలతో బుధవారం గల్ఫ్ ప్రాంత పర్యటనకు బయలుదేరబోతున్నారని రష్యన్ ఫెడరేషన్ కార్యాలయం మంగళవారం ప్రకటించింది. రష్యా వార్తా సంస్థ ప్రకారం.. కీలకమైన ప్రాంతీయ విషయాలపై, ముఖ్యంగా పాలస్తీనా-ఇజ్రాయెల్ వివాదంపై దృష్టి సారించి, రెండు దేశాల నాయకులతో చర్చలు జరపాలని అధ్యక్షుడు పుతిన్ యోచిస్తున్నట్లు రష్యన్ ఫెడరేషన్ అధ్యక్షుడి ప్రెస్ సెక్రటరీ డిమిత్రి పెస్కోవ్ వెల్లడించారు.  పుతిన్ గురువారం మాస్కోలో అధికారిక పర్యటన సందర్భంగా ఇరాన్ అధ్యక్షుడు ఇబ్రహీం రైసీతో సమావేశం కానున్నట్లు పెస్కోవ్ ధృవీకరించారు.