దుబాయ్‌ ఎలక్ట్రిసిటీ అండ్‌ వాటర్‌ అథారిటీ (దెవా) వినియోగదారులకు బహుమతులు ఇవ్వనుంది. అయితే ఈ బహుమతులు అందుకోవడానికి వినియోగదారులు నీటిని, విద్యుత్‌ని ఆదా చెయ్యవలసి ఉంటుంది. జనవరి 1 నుంచి డిసెంబర్‌ 31 2016 లోపు తమ ఎలక్ట్రిసిటీ బిల్లులపై 15 శాతం కనీసం ఆదా చేయగలిగినవారు ఈ పోటీలో పాల్గొనేందుకు అర్హత పొందుతారు. అలా అర్హత సాధించినవారిలో కొందరిని ఎంపిక చేసి బహుమతులు, ఓ ప్రశంసా పత్రం అందజేయబడతాయి. బహుమతులు 15,000 దిర్హామ్‌లు (ఫస్ట్‌ ప్లేస్‌), 10,000 (రెండో ప్లేస్‌), 5,000 (మూడో ప్లేస్‌) గా నిర్ణయించారు. రెండు కేటగిరీల్లో ఈ బహుమతుల్ని అందజేస్తారు. వినియోగదారులు ఈ పోటీల్లో పాల్గొనేందుకు దెవా వెబ్‌సైట్‌లో తమ పేర్లను నమోదు చేసుకోవచ్చు. ఓ టీమ్‌, వినియోగదారుల బిల్లుల్ని పర్యవేక్షిస్తుంది. గత ఏడాదితో ఈ ఏడాది బిల్లుల్ని ఈ టీమ్‌ పోల్చి చూస్తుంది. గత సంవత్సరం 6,008 వినియోగదారులు ఈ పోటీలో పాల్గొని 3 మిలియన్‌ కెడబ్ల్యుహెచ్‌ విద్యుత్‌ని, 29 మిలియన్‌ గ్యాలన్ల నీటిని ఆదా చేశారు